ԱՄՆ հյուսիսարևելյան նահանգներում տեղացող առատ ձյան հետևանքով զոհերի թիվը հասել է 27-ի, ավելի քան 1 մլն տնտեսություններ և ձեռնարկություններ շարունակում են մնալ առանց էլեկտրականության:
Ինչպես հաղորդում է Associated Press-ը, ձնաբքից առավելապես տուժել է Քոնեքթիկուտ նահանգը: Այստեղ բնակիչների շրջանում գնալով աճում է դժգոհությունը. ակտիվիստները կոչ են անում, որպես բողոքի նշան, չվճարել էլեկտրականության գումարները:
ԱՄՆ-ում կիրակի` հոկտեմբերի 30-ին, ռեկորդային քանակությամբ ձյուն է տեղացել, ինչ հետևանքով խաթարվել է տրանսպորտային երթևեկությունը, դպրոցներում դադարեցվել են պարապմունքները: