Լիբիայի Կենտրոնական բանկը երկրի բանկային համակարգը վերականգնելու համար աշխատում է օրինագծի վրա, որը թույլ կտա փոխառուներին և էմիտենտներին վաճառել «իսլամական» պարտատոմսերը: Այս մասին հայտնում է Bloomberg գործակալությունը:
Իսլամական աշխարհի ֆինանսական համակարգը սահմանափակվում է շարիաթով, որը արգելում է առքուվաճառքի հիման վրա տնտեսական գործարքները: Օրենքը տարածվում է ինչպես բանկային գործարքների, այնպես էլ պարտատոմսերի թողարկման վրա:
Այն իրականացնելու համար լիբիական Կենտրոնական բանկը ձևավորել է հանձնաժողով, որը պետք է մշակի համապատասխան օրենքի նախագիծ:
Այդ կերպ, Լիբիայի ֆինանսական համակարգողը մտադիր է երկրում ստեղծել ժամանակակից պահանջներին համապատասխան բանկային համակարգ: Ֆինանսական համակարգում նմանատիպ հեղափոխություն են պատրաստվում իրականացնել Եգիպտոսի իշխանությունները:
Ներկայումս միայն երեք անկախ արաբական թողարկիչներ են թողարկում իսլամական պարտատոմսեր:
Institute of International Finance-ի կանխատեսումների համաձայն` Լիբիայում քաղաքացիական պատերազմի արդյունքում երկրի տնտեսությունը մինչև տարվա վերջը կարող է կրճատվել 34 տոկոսով: 2012 թվականին ՀՆԱ ծավալը կկրճատվի 16 տոկոսով: Ընդ որում, անցած տարի երկրի տնտեսությունը աճել էր 13 տոկոսով,- նշում են վերլուծաբանները:
