Վրաստանը սպասում է Ռուսաստանի արձագանքին Առևտրի համաշխարհային կազմակերպությանը անդամակցության բանակցությունների արդյունքներին,- այսօր ավանդական մամլո ճեպազրույցի ժամանակ հայտարարել է Վրաստանի նախագահի մամլո խոսնակ Մանանա Մանջգալաձեն:
«Երեկ Վրաստանի և Շվեյցարիայի նախագահների հանդիպման ժամանակ հայտարարվել է, որ Ռուսաստանը ժամանակ է խնդրել Շվեյցարիայի առաջարկի վերաբերյալ իր համաձայնությունը տալու և դիրքորոշումը ներկայացնելու համար»,- նշել է Մանանա Մանդջգալաձեն` հավաստատելով, որ Վրաստանը համաձայնել է Բեռնի փոխզիջումային տարբերակին՝ կապված ԱՀԿ-ին ՌԴ անդամակցության հետ:
Վրաստանը ընդունել է Շվեյցարիայի առաջարկությունները ԱՀԿ-ին Ռուսաստանի անդամակցության պայմանների վերաբերյալ` համաձայնելով Ռուսաստանից դեպի Աբխազիա և Հարավային Օսիա բեռնափոխադրումների շրջանառության միջազգային մոնիտորինգին և էլեկտրոնային տեղեկատվության փոխանակմանը այդ հարցով:
