Էլեկտրոնային կապի միջազգային միության (ITU) հրապարակած տվյալներով, մինչեւ 2010թ. վերջը համացանցից օգտվողների թիվը կկրկնապատկվի: Հարցմանը մասնակցել են 196 երկրների ներկայացուցիչներ:
Այն մարդկանց թիվը, ովքեր տանից են օգտվում համացանցից, այս տարի ավելացել է 226 մլն-ով` հասնելով 1,6 մլրդ-ի: 2010թ. համացանցից նոր օգտվողների 70%-ը զարգացող երկրներից է: Նույն տվյալների համաձայն` տարեվերջին համացանցին միացված կլինի բնակչության 71%-ը, իսկ զարգացող երկրներում` 21%-ը:
ITU ընկերության հեռահաղորդակցության զարգացման գրասենյակի ղեկավար Սամի Ալ-Բաշիր Ալ-Մորշիդը հայտարարել է, որ «բջջային կապի տարածվածությունը զարգացող երկրներում կազմում է 68%` ավելի բարձր, քան որեւէ այլ տեխնոլոգիա»: Միաժամանակ ավելացրել է, որ տարածաշրջանային տարբերությունները մեծ են. համացանցի հասանելիությամբ առաջինը եվրոպացիներն են` 65%, ասիացիները` 22%, աֆրիկացիները` 9,6%:
