Լավատեղյակ աղբյուրներից «Առաջին լրատվական»-ին հայտնի է դարձել, որ նախագահական նստավայրի գլխավոր հաշվապահ Անահիտ Զաքարյանն ու ևս 4 աշխատակիցներ օրերս ազատվել են աշխատանքից: Ըստ շրջանառվող շշուկների` նախագահականի գլխավոր հաշվապահը, դեռ Քոչարյանի պաշտոնավարման ժամանակներից սկսած` լուրջ գումարներ է «ոչ ևս» արել: Իր պաշտոնավարման ընթացքում նա հասցրել է ամուսնացնել իր 5 աղջիկներին, ապահովել նրանց շքեղ տներով, ևս մեկ տուն էլ գնել է իր համար` Նորքում: Եվ քանի որ ո՛չ նախագահի վերահսկողական ծառայությունը, ո՛չ Վերահսկիչ պալատը, ո՛չ ֆինանսների նախարարության վերահսկողական ծառայությունն այս ընթացքում այդպես էլ չեն ստուգել նախագահականի հաշվապահական փաստաթղթերը, Անահիտ Զաքարյանն անխնա օգտվել է իր լիազորություններից ու գրպանել հսկայական գումարներ:
