Շվեյցարիայում կայացել է ճագարների` արգելքների հաղթահարման Եվրոպայի առաջնությունը: Ինչպես հաղորդում է The Daily Mail-ը, առաջնությանը մասնակցել են ավելի քան 50 «մարզիկ» ճագարներ տարբեր երկրներից: Հաղթող է ճանաչվել Չեխիայի ներկայացուցիչ Լադա Սիպովա Կրեցովային պատկանող ճագարը:
Ճագարները պետք է հաղթահարեին ոչ մեծ տարածություն, ցատկեին արգելքների վրայով ու ամենից արագ հասնեին վերջնակետ: Ընդ որում` եվրոպական առաջնության մասնակիցներին սպասվում էին տարբեր տարածության վրա տեղադրված տարբեր բարձրություն ունեցող խոչընդոտներ:
Ճագարների մասնակցությամբ առաջնությունները տարածում են գտել մի քանի տարի առաջ: Նման առաջնություններ անցկացվել էն Դանիայում, Գերմանիայում, Շվեդիայում, ինչպես նաև ԱՄՆ-ում, Կանադայում և Ճապոնիայում:
Բացի վազքի առաջնությունից` ճագարների մասնակցությամբ անցկացվում են այլ մրցույթներ ևս: Ճագարները ստիպված են լինում ցատկել բարձրությունից կամ բարձր ցատկել: Ներկայիս ռեկորդների հեղինակները դանիական ճագարներն են:
