ՀՀ առաջին Ընտրական օրենսգրքի հեղինակ Լյուդվիգ Խաչատրյանն այսօր հրավիրված մամուլի ասուլիսի ընթացքում, խոսելով ընտրական գործընթացների և ընտրական իրավունքի մասին՝ անկախությունից սկսած, մի փոքր պատմական էքսկուրս կատարելով՝ նշեց, որ Խորհրդային Միությունում ընտրությունները կեղծելու խնդիր չկար:
Նա նաև նկատեց, որ 1991 թվականի նախագահական ընտրություններից հետո աստիճանբար ընտրությունները սկսեցին կեղծվել: «Սկզբում քիչ-քիչ, հետո ավելի շատ սկսեց ըտրակեղծիքների տրադիցիաների խորացումը, որը մինչև այսօր էլ գործում է: 95-ին, ցավոք սրտի, ընտրվեց ընտրական օրենք՝ ԱԺ ընտրությունների մասին, որով հիմք դրվեց միամանդատ, հարաբերական, մեծամասնական և համամասնական ցուցակներով ընտրական համակարգին: Սակայն Գերագույն խորհուրդն ու պատգամավորները չհամոզվեցին: Հայաստանի նման փոքր երկրի համար ամենաճիշտը բազմամանդատ, մեծամասնական համակարգն է, երբ ամբողջ ժողովուրդն ընտրում է 131 պատգամավորի՝ ոչ թե առանձին տեղամասերով: Այսինքն, ժողվուրդն է, որշում, թե որ կուսակցությունից, որ պատգամավորը պետք է մտնի ԱԺ»,- ասաց Լյուդվիգ Խաչատրյանը:
Նա նաև նկատեց, որ Մերծբալթյան երկրներում ներդրեցին բազմամանդատ մեծամասնական ընտրական համակարգ և որևէ խնդիր դեմոկրատիայի հետ չունեն․ «Դեռ այն ժամանակ, փորձում էի համոզել, որ այդ համակարգերը հանգեցնելու էին նրան, ինչ մենք այսօր ունենք»:
Էլեկտրոնափաստաթղթային ընտրություններին անցնելու մասին խոսելով՝ Խաչատրյանն ասաց․ «Այսինքն, մեխանիզմներ կան: Բայց, եթե հասարակությունը կողմ լինի արդար ընտրություննների, ապա արդար ընտրություններ կունենանք»:
Նա նաև ավելացրեց, որ դաշնակները, «Ժառանգությունը», վերջերս նաև ՀԱԿ-ի առաջնորդը ասում են, որ միամանդատ մեծամասնական ընտրական համակարգը պետք է վերացնել: Ինքը ևս ընդունեում է, որ այդ ամակարգը Հայաստանի համար գլխացավանք է. «Եթե նույնիսկ Սերժ Սարգսյանը շատ ցանկանա, որպեսզի ընտրակեղծիքներ չլինեն, միամանդատ հարաբերական մեծամասնական ընտրակարգի ժամանակ տարբեր ռեսուրսներով` ֆինանսական, թաղայն, ամպայման մանդատ ստանլու համար փորձելու են կեղծել»: