Երեկ Պետական դումայի պատգամավորական էթիկայի և մանդատային հարցերով ահնձնաժողովը որոշում է ընդունել չզրկել Լիբերալ-դեմոկրատական կուսակցության ցուցակով պատգամավոր ընտրված Աշոտ Եղիազարյանին մանդատից և աշխատավարձից, չնայած անցած ամիս պատգամավորները նրան արդեն զրկել էին անձեռնմխելիությունից: Այս մասին գրել է ռուսական Ведомости թերթը: Թերթը նաև տեղեկացնում է, որ նախաձեռնության հեղինակը «Եդինայա Ռոսիա» կուսակցության անդամ Ալեքսանդր Խինշտեյն է:
Հիշեցնենք, որ նոյեմբերի 3-ին պատգամավորին զրկել էին անձեռնմխելիությունից, իսկ նոյեմբերի 24-ին հետախուզում էր հայտարարվել նրա նկատմամբ այն ժամանակ, երբ նա չէր ներկայացել հարցաքննության: Հատուկ քննչական ծառայությունը Եղիազարյանին կասկածում է «Մոսկվա» հյուրանոցի շինարարության ժամանակ կատարած խարդախության մեջ: Նրա նկատմամբ հարուցվել է քրեական գործ:
