Անդրադառնալով այն հայտարարություններին,որ Աստանայի գագաթնաժողովում հաղթանակ է արձանագրել հայկական կողմը, ԱՊՀ երկրների ինստիտուտի Հայաստանյան մասնաճյուղի տնօրեն Ալեքսանդր Մարկարովը նշեց, որ կան դեպքեր, որտեղ պետք չէ խոսել հաղթանակի կամ պարտության մասին: Ըստ նրա` բնական է, որ կողմերից յուրաքանչյուրը փորձում է ներկայացնել իր դիրքորոշումը գագաթնաժողովի վերաբերյալ: «Պարզ է այն, որ Աստանայի գագաթնաժողովում միանշանակորեն նշվեցին 3 սկզբունքները, ինչպես նաև որևէ կերպ չի նշվել, որ Հայաստանը պետք է դուրս գա ազատագրված տարածքներից»: Մարկարովի կարծիքով, կողմերից ոչ մեկը չի նահանջի իր ունեցած սկզբունքային դիրքորոշումներից, սակայն խոսել այն մասին, որ բանակցային գործընթացը մտել է փակուղի, ճիշտ չէ: «Փակուղու մասին կարելի է խոսել այն ժամանակ, երբ կողմերը հետ կկանգնի բանակցությունից, և կսկսվեն ակտիվ ռազմական գործողություններ: Մարկարովի կարծիքով, բանակցային պրոցեսի կայացումը տանում է վիժեցման, ինչն էլ կարող է հանգեցնել ռազմական գործողությունների,սակայն այս պահին կողմերից ոչ մեկին, ինչպես նաև աշխարհին այս տարածաշրջանում պատերազմը ձեռնտու չէ:
