Հանրապետության բնակարանային ֆոնդի ընդհանուր մակերեսը 2010 թ. հունվարի 1-ի դրությամբ կազմել է 86.5 մլն քառ. մ, այդ թվում՝ քաղաքային համայնքներում` 45.7 մլն քառ. մ (52.8%), գյուղական համայնքներում` 40.8 մլն քառ. մ (47.2%): Մեկ բնակչի ապահովվածությունը բնակարանային ֆոնդի ընդհանուր մակերեսով 2010 թ. հունվարի 1-ի դրությամբ կազմել 26.7 քառ. մ, ընդ որում՝ քաղաքաբնակինը` 22.0 քառ. մ, գյուղաբնակինը 35.0 քառ. մ: Երևան քաղաքի բազմաբնակարան շենքերի բնակարանային ֆոնդի ընդհանուր մակերեսը 2010 թ. հունվարի 1-ի դրությամբ կազմել է 14,223.1 հազ. քառ. մ, որը կազմել է հանրապետության բազմաբնակարան շենքերի բնակարանային ֆոնդի ընդհանուր մակերեսի 52.5%-ը, իսկ քաղաքային համայնքների` 56.8%-ը: Երևան քաղաքի բնակելի տների բնակարանային ֆոնդի ընդհանուր մակերեսը 2010 թ. հունվարի 1-ի դրությամբ կազմել է 7,726.9 հազ. քառ. մ, որը կազմել է հանրապետության բնակելի տների բնակարանային ֆոնդի ընդհանուր մակերեսի 13.1%-ը, իսկ քաղաքային համայնքների` 37.8%-ը: