Ինչպես փոխանցում է The Washington Post-ը, WikiLeaks-ը նախօրեին գրոհել է ԱՄՆ նախագահական նախորդ ընտրություններում հանրապետական փոխնախագահի թեկնածու Սառա Փեյլինի կայքը: Մինչ այդ հաքերները հարձակման էին ենթարկել Շվեդիայի դատախազության կայքը, որը քրեական գործ է հարուցել WikiLeaks-ի ղեկավար Ջուլիան Ասանջի դեմ, բոլոր այն ֆինանսական կազմակերպությունների կայքերը, որոնք հրաժարվել են այս պահին համագործակցել Ասանջի հետ:
Փեյլինը պատմել է, որ հաքերները, որոնք մտնում են Operation Payback (փոխհատուցման գործողություն) խմբի մեջ, փորձել են կոտրել իր կայքը և բացել անձնական տեղեկությունները, այդ թվում՝ քրեդիտային քարտերի տվյալները:
Իսկ հարձակման պատճառ, հավանաբար, դարձել են Սառա Փեյլինի կտրուկ հայտարարությունները. Facebook-ի իր էջում ամերիկացի քաղաքական գործիչը WikiLeaks-ի հիմնադրին անվանել էր «հակաամերիկյան գործիչ, որի ձեռքերն արյունի մեջ են», և տարակուսանք է հայտնել, թե ինչո՞ւ է Ասանջն ընտրել հենց ԱՄՆ-ն, այլ ոչ թե Ալ Ղաիդա ահաբեկչական կազմակերպությունը:
Պատահական չէ, որ մյուսները լռում են, այլապես նրանք էլ կենթարկվեն նմանատիպ հարձակման,- իր կայքի վրա կատարաված հարձակման մասին ասել է Փեյլինը: