Այսօր երկրաշարժի 22-րդ տարելիցին նվիրված մամուլի ասուլիս էր հրավիրել Արտակարգ իրավիճակների նախարար Արմեն Երիցյանը: Ասուլիսին խոսվեց իրազեկման կարևորության, նոր ռիսկերի և առաջիկա պլանների մասին: «Սպիտակում երկրաշարժից զոհվեց երեքից մեկ մարդ, իսկ Ճապոնիայում 1995 թվականին միևնույն ուժգնությամբ երկրաշարժը խլեց 30 հազարից մեկ մարդու կյանք»: Նախարարը վիճակագրական տվյալներով սկսեց խոսքը ցույց տալու համար իրազեկվածության կարևորությունը երկրաշարժի ժամանակ: Նրա ծրագրերի մասին նախարարն ասաց. «Օրերս սեյսմիկ ծառայություն հայցակարգ եմ ներկայացրել Անվտանգության խորհրդին, ըստ որի` 2011թվականին կստեղծվի ռիսկերի նվազեցման պլատֆորմ, որին կմասնակցեն բոլոր նախարարությունները»: 2011 թվականի 11 երկրների Արտակարգ իրավիճակների նախարարների ամենամյա հանդիպումը անցկացվելու է Երևանում: