Այսօր կառավարության հետ հարց ու պատասխանի ժամանակ ԱԺ «Ժառանգություն» խմբակցության պատգամավոր Ստյոպա Սաֆարյանը փորձել է ճշտել բնապահպանության նախարար Արամ Հարությունյանից, թե ինչ է եղել 2006թ. բյուջեից հատկացված 153 մլն դրամի հետ, որով նախատեսված է եղել նավ գնել: Նավը նախատեսված էր Սևանա լճի ավազանում կատարվող հիդրոօդերևութաբանական մոնիտորինգի համար, որը պետք է իրականացներ «Հայպետհիդրոմետ» ՊՈԱԿ-ը: Սակայն ձեռք է բերվում 47 մլն դրամ արժողության նավ, որի վերաբերյալ էլ հետագայում եզրակացություն է տրվել, թե այն չի համապատասխանում տեխնիկական ստանդարտներին: «Այդ նավը կա և ես հրավիրում եմ Ձեզ միասին շրջելու այդ նավով»,- պատասխանեց Արամ Հարությունյանը: «Ես ուզում եմ ոչ թե 47 մլն դոլարանոց նավով, այլ 153 մլն դրամանոց նավով շրջել»,- արձագանքեց Ս. Սաֆարյանը: