Երևանի քաղաքապետ Գագիկ Բեգլարյանի հրաժարականի մասին լուրը լսելիս 1998-99 թ.թ. Երևանի քաղաքապետ Սուրեն Աբրահամյանը զարմացել է: «Վերջին տասը տարվա ընթացքում ոչ մի բանի վրա չէի զարմանում: Բայց այդ լուրը լսելիս զարմացա»,- «Առաջին լրատվական»-ի հետ զրույցում ասաց Սուրեն Աբրահամյանը: «Իսկ հնարավո՞ր է, որ Հայաստանում սպասվում են փոփոխություններ» հարցին Սուրեն Աբրահամյանն արձագանքեց. «Մենք` ամեն դառնություն տեսած մարդիկ, նման դեպքերում փոփոխությունների հույս ենք փայփայում: Տա Աստված, որ այդպես լինի, բայց ես չեմ հավատում: Ես կարծում եմ, որ Երևանի քաղաքապետի հրաժարականը կապված է անձնական վիրավորանքի հետ, երբ բարձրագույն ղեկավարությանը ապտակ են հասցնում»: Հիշեցնենք, որ օրեր առաջ Երևանի քաղաքապետ Գագիկ Բեգլարյանը ծեծի էր ենթարկել ՀՀ Նախագահի աշխատակազմի արարողակարգի բաժնի աշխատակից Արամ Կանդանյանին: