Ֆինանսական խոշորագույն բուրգի հիմնադիր Բերնարդ Մեդոֆֆի կինը խոստովանել է, որ ինքն ու ամուսինը որոշել էին ինքնասպանություն գործել դեռ նախքան նրա ձերբակալությունը:
Ամերիկյան CBS հեռուստաընկերությանը տված հարցազրույցի ժամանակ Ռութ Մեդոֆֆը ասել է, որ չգիտի, թե ումն է եղել միտքը, բայց իրենք որոշել էինք դիմել ինքնասպանության, որովհետեև տեղի ունեցածը սարսափելի երևույթ էր:
«Մենք սարսափելի հեռախոսային զանգեր էինք ստանում, աննկարագրելի էլեկտրոնային նամակներ, որոնք պարզապես դուրս են երևակայությունից, և ես ասացի, որ էլ չեմ կարող այդպես շարունակել»,- ասել է նա:
2010 թվականի վերջին հայտնի դարձավ, որ Մեդոֆի որդիներից մեկը` Մարկը, ինքնասպանություն է գործել:
Madoff Investment Securitites հիմնադրամի 20 տարվա գոյության ընթացքում Մեդոֆֆի ֆինանսիստը յուրացրել էր 64.8 միլիարդ դոլար` խոստանալով հաճախորդներին բարձր տոկոսներ: Ֆինանսական բուրգը քանդվել է ճգնաժամի թեժ պահին, երբ ներդրողները միաժամանակ ցանակացել էին հաշվից հանել մոտ 7 միլիարդ դոլար:
Մեդոֆֆին ձերբակալել էին 2008 թվականի դեկտեմբերին, իսկ 2009 թվականին նա ընդունել էր իր մեղքը՝ ասելով, որ այդ ընթացքում խաբել է ներդրողներին և պետությանը, ոչ մի գործարք չի կնքել, այլ գումարը տեղափոխել է իր բանկային հաշվին:
Ներկայումս 72-ամյա հանցագործը իր պատիժն է կրում Հյուսիսային Կարոլինայում 150 տարի ժամկետով: Նրան նաև տուգանել են պատճառած վնասի կրկնակի չափով:
