«Առաջին լրատվականն» արդեն հայտնել էր, որ Ֆիլիպ Կիրկորովի դեմ ոստիկանություն հայտարարություն էր ներկայացրել ռուսական «Առաջին ալիքի» ռեժիսոր Մարինա Յաբլոկովան, որին Կիրկորովը հարվածել էր «Զոլոտոյ գրամոֆոն» մրցանակաբաշխության ժամանակ:
Այսօր Կիրկորովը ներողություն էր խնդրել իր արածի համար` ասելով, որ հիվանդ է, և դա իր հերթական նոպայի հետևանքն է: Կիրկորովի փաստաբան Ակիմցևն այսօր հայտարարել է, որ Կիրկորովն այս պահին Ռուսաստանում չէ: Ավելի վաղ հայտնի էր դարձել, որ երգիչը լքում է Ռուսաստանը` արտասահմանում բուժում ստանալու համար: Ակիմցևը նաև ասել է, որ իր պաշտպանյալը խիստ ճնշված է այն մթնոլորտից, որ ձևավորվել է մամուլում նրա արարքից հետո: Որքան կմնա Կիրկորովն արտասահմանում՝ հայտնի չէ: Դա կախված կլինի այն բանից, թե ինչ որոշում կկայացնի դատարանը նրա հարձակման վերաբերյալ: Հնարավոր է՝ դատարանը կալանքի սանկցիա ներկայացնի: