Լևոն Արոնյանը, Մագնուս Կառլսենը և Սերգեյ Կարյակինը գլխավորում են բարձր վարկանիշ ունեցող մրցաշարի ցուցակը, որը կկայանա 2012 թվականի հունվարին հոլանդական Վեյք-ան-Զեեում:
Մրցաշարին կմասնակցեն նաև Վեսելին Տոպալովը (Բուլղարիա, 2768 միավոր), Վասիլի Իվանչուկը (Ուկրաինա, 2765), Վուգար Հաշիմովը (Ադրբեջան, 2756), Գատա Կամսկին (ԱՄՆ, 2756), Թեյմուր Ռաջաբովը (Ադրբեջան, 2752), Բորիս Գելֆանդը (Իսրայել, 2746), Դավիդ Նավարան (Չեխիա, 2705) և Լյուկ վան Վելին (Հոլանդիա, 2689):
Վայք-ան-Զեեի մրցաշարը տեղի կունենա հունվարի 14-29-ը: Մրցաշարի միջին վարկանիշը կազմում է 2752 միավոր: Սա երկարամյա մրցաշարում երբևէ գրանցված ամենաբարձր միավորն է: