Հայ ազգային կոնգրեսի համակարգող Լևոն Զուրաբյանը մամուլի ասուլիսի ժամանակ անդրադարձավ Աստանայում կայացած ԵԱՀԿ գագաթնաժողովում Ղարաբաղի հակամարտության կարգավորմանը վերաբերող՝ Սերժ Սարգսյանի դիրքորոշման վերաբերյալ ՀԱԿ-ի հայտարարությանը: Նա նշեց, որ ՀԱԿ-ը, որպես պատասխանատու քաղաքական ուժ, ժամանակին դադար տվեց, որպեսզի Սերժ Սարգսյանը կարողանա պաշտպանել Հայաստանի և ԼՂՀ-ի պետական շահերը: Մինչդեռ նրանք ցույց տվեցին, որ Հայաստանում իշխում է քրեապետական ռեժիմը: Անդրադառնալով լրագրողների այն հարցին, թե ինչպե՞ս է գնահատում քաղաքապետ Գագիկ Բեգլարյանի կողմից Սերժ Սարգսյանի աշխատակազմի աշխատակցին ծեծելու փաստը, Լևոն Զուրաբյանն ասաց, որ այն Սերժ Սարգսյանի համար «չյոռնի» փիառ եղավ: Նա շեշտեց, որ դեպքի առթիվ պետք էր քրեական գործ հարուցել, ոչ թե ներողություն խնդրել:
