Առաջին խաղային օր, առաջին զույգ` Free Style-ProMed
Դեկտեմբերի 7-ին մեկնարկեց «Liga Fan Clubs» ֆուտզալի սիրողական մրցաշարի առաջին խաղային օրը:
Հանդիսավոր բացումից հետո, որին ներկա էին բոլոր 8 թիմերի ներկայացուցիչները, իր խոսքով մասնակիցներին ողջունեց նախաձեռնող «Դար Ակումբի» հիմնադիր-տնօրեն Արտակ Հարությունյանը:
Միմյանց ողջունելուց հետո, առաջին` Free Style-ProMed խաղային զույգը ազդարարեց մրցաշարի առաջին տուրի մեկնարկը:
Ստորև ներկայացվում են խաղային առաջին զույգի կազմերը:
Free Style
Դարպասապահ` Մհեր Սիմոնյան
Խաղացողներ`
Վարդան Ասրյան – N2
Սերգեյ Խաչատրյան – N6
Արմեն Հարությունյան – N1
Գարիկ Գևորգյան – N8
Վահագն Երիցյան – N11
Գագիկ Մխիթարյան – N14
Լևոն Մխիթարյան – N15
Սարգիս Մարգարյան – N13
Թիմի ավագ` Սերգեյ Մկրտչյան – N9
ProMed
Դարպասապահ` Ստանիսլավ Հակոբյան
Խաղացողներ`
Վարդան Մարտիրոսյան – N 5
Հովհաննես Նուրիջանյան – N2
Լևոն Խաչատրյան – N10
Սուրեն Ազնաուրյան – N3
Սուրեն Հաբեթյան – N13
Տրդատ Գրիգորյան – N7
Թիմի ավագ`Վահան Ղազարյան – N9
Խաղի առաջին իսկ րոպեներից երկու թիմերն սկսեցին թեժ պայքար հակառակորդի դարպասը գրավելու համար:
Առաջին խաղակեսում բացահայտ առավելության հասավ Free Style թիմը` հասցնելով հաշիվը 7-2-ի:
Չնայած ProMed-ը երկրորդ խաղակեսում նվազեցրեց հաշվի տարբերությունը՝ այնուամենայնիվ, խաղն ավարտվեց 10-7 հաշվով` հօգուտ Free Style-ի:
Առաջին խաղային զույգում խփած առավելագույն գոլերի քանակով` 4, աչքի ընկավ Free Style-ից Վահագն Երիցյանը, 3-ական անգամ հակառակորդի դարպասը հաջողվեց գրավել ProMed-ից Վահան Ղազարյանին և Free Style-ից Գարիկ Գևորգյանին, 2-ական գոլ իրենց թիմերի հաշվին գրանցեցին Գագիկ Մխիթարյանը (Free Style) և Սուրեն Ազնաուրյանը (ProMed): 1-ական անգամ գոլի հեղինակ դարձան Սերգեյ Մկրտչյանը (Free Style), Լևոն Խաչատրյանը (ProMed) և Սուրեն Հաբեթյանը (ProMed):
Առաջին խաղային օրվա երկրորդ զույգ. Akumb.am-Instigate
Թիմերի կազմերն են.
Akumb.am
Դարպասապահ` Հայկ Աբելյան
Խաղացողներ`
Հայկ Մամիկոնյան -N5
Հովհաննես Գևորգյան – N11
Վահե Մելիքսեթյան – N8
Հրաչ Թադևոսյան – N9
Արմեն Խաչատրյան-N6
Էդվարդ Գևորգյան – N2
Տիգրան Պետրոսյան – N4
Թիմի ավագ` Գոռ Պետրոսյան – N10
Instigate
Գարիկ Եսայան – N4
Մկրտիչ Քեշիշյան – N14
Հայկ Գրիգորյան – N10
Հովհաննես Սահակյան – N9
Հովհաննես Խալաթյան – N8
Անդրանիկ Հակոբյան – N2
Դավիթ Առաքելյան – N3
Թիմի ավագ` Ռուբեն Օսիպյան – N5
Երկրորդ զույգի խաղն սկսվեց հավասար պայքարում: Առաջին խաղակեսում երկու գոլի հեղինակ դարձավ խաղերի կազմակերպիչ Akumb.am-ից 9 համարով հանդես եկող Հրաչ Թադևոսյանը, ևս մեկ գոլ գրանցեց N 11 Հովհաննես Գևորգյանը:
Թվում էր, թե մրցաշարի «տերերն» արդեն ունեն առավելություն մրցակցի նկատմամբ, որը կարողացավ միայն 2 միավոր գրանցել իր օգտին N 8 խաղացողի` Հովհաննես Խալաթյանի կողմից:
Երկրորդ խաղակեսում Akumb-ցիները թույլ տվեցին մրցակցի N 8 խաղացողին ևս երկու անգամ գրավել իրենց դարպասը, և Akumb-ի N9-ի կողմից՝ ևս երկու անգամ և N11-ի կողմից՝ մեկ անգամ Instigate-ի դարպասի գրավումը ամենևին չփրկեց դրությունը:
Մրցաշարի «լավագույն ռմբարկու»-ի կոչման բացարձակ ֆավորիտի կարգավիճակին հավակնող Instigate թիմի N 8 խաղացողը գրավեց Akumb-ի դարպասապահ Հայկ Աբելյանի դարպասը անընդմեջ 4 անգամ ու մրցաշարի առաջին իսկ խաղային օրը դարձավ 10 գոլի հեղինակ` 10-6 հաշվով հաղթանակ բերելով իր թիմին:
