Եվրամիության խորհրդի նախագահ Հերման Վան Ռյումպեյը հայտարարել է, որ ԵՄ-ն պահանջում է Վրաստան վերադարձնել ԵԱՀԿ առաքելությունը և ձեռնարկել միջոցներ, որոնք կբերեն 2008 թ. օգոստոսի վերջին ստորագրված վեցակողմ պայմանագրի դրույթների իրագործմանը: Ինչպես հաղորդում է Trend գործակալությունը` հղում անելով վրացական «Առաջին ալիքին», այս մասին խոսվել է ԵՄ-Ռուսաստան հանդիպումից հետո կայացած մամլո ասուլիսի ժամանակ, որին մասնակցել են Ռյումպեյը, Եվրահանձնաժողովի նախագահ Ժոզե Մանուել Բարոզոն և ՌԴ նախագահ Դիմտրի Մեդվեդևը: «Մենք այս պահին էլ ունենք չլուծված հակամարտություններ, որոնք ԵՄ և Ռուսաստանի կայունության և անվտանգության համար վտանգ են ներկայացնում: ԵՄ-ն ակտիվ մասնակցություն ունի այդ հակամարտությունների կարգավորման գործում»,- նշել է Վան Ռյումպեյը:
Ինչպես հայտնի է դարձել, քննարկվել են նաև ԵԱՀԿ վերջին գագաթնաժողովի արդյունքները, ինչպես նաև սառեցված հակամարտությունները: Վան Ռյումպեյը հերթական անգամ նշել է, որ ԵՄ-ն պաշտպանում է Վրաստանի տարածքային ամբողջականությունը:
Ռուսաստանի նախագահը նույնպես անդրադարձել է վրացական խնդրին և բոլորի համար անսպասելիորեն քննադատել ԵԱՀԿ-ին: