Ռուսական բլոգերները ակտիվ քննարկում են ինտերնետում մի բլոգերի կողմից տեղադրված նկարները, որոնցում պատկերված են Պուտինի նկարներով խոտի սերմի փաթեթներ: Ինչպես հայտնի է՝ խոտը կոչվում է պուտինյան, իսկ խոտն արտադրող ընկերության կարգախոսն է` «Պատրաստ եղի՛ր 2018 թ. աշխարհի առաջնությանը»: Փաթեթի վրայի մեկ այլ կարգախոս խորհուրդ է տալիս «վերածել քո մարգագետինը մարզադաշտի»:
Նկարն արել է Նատալյա Ռադուլովան, իսկ ապրանքը հայտնվել է «Մեգա Բելայա դաչա» սուպերմարկետներում: Բլոգում ակտիվ քննարկողները կասկած են հայտնել, որ ապրանքն իրական է, իսկ ոմանք էլ ասում են, որ նկարներն ուղղակի դրված են փաթեթների վրա:
Ռուսական թերթերը եզրակացնւմ են, որ անկախ նրանից՝ սա կատակ է, թե ոչ, ֆուտբոլային բիզնեսն արդեն սկսվել է, և հայտնվել են ապրանքներ, որոնց վրա արդեն կան 2018 թ. ֆուտբոլի աշխարհի առաջնության սիմվոլները:
