Թուրքական խորհրդարանում կստեղծվի հանձնաժողով, որը կուսումնասիրի մարզական ոլորտում գոյություն ունեցող խնդիրները: Հանձնաժողովի քննության առաջին առարկան կդառնա Ֆուտբոլի ազգային ֆեդերացիայի պայմանագիրը Թուրքիայի ազգային հավաքականի գլխավոր մարզիչ Գուուս Հիդինքի հետ: Հիդինգի նկատմամբ ուշադրությունը մեծացել է այն բանից հետո, երբ «Եվրո 2012» ֆուտբոլի առաջնության ընտրական փուլում թուրքական թիմը պարտվեց Գերմանիայի եւ Ադրբեջանի հավաքականներին:
Թուրքական խորհրդարանի մի քանի պատգամավորների կարծիքով, այս ամեն ինչի մեղավորը Հիդինգն է, ուստի նրանք որոշել են հարցում ուղարկել խորհրդարան` նրա աշխատավարձի չափը հրապարակելու համար, որը տարբեր հաշվարկներով կազմում է 4-8 մլն եվրո:
