Ճապոնական լրատվամիջոցները հայտնում են, որ ամերիկա-ճապոնական զորավարժությունները, որոնք անցնում են Ճապոնիայի սահմանների մոտ, ընդհատվել են ռուսական երկու Իլ-38 օդանավերի հայտնվելու պատճառով: Հայտնի է նաև, որ զորավարժությունները դադարեցվել են, իսկ ճապոնական ԶԼՄ-ները հրապարակել են Իլ-38 օդանավի լուսանկարն իրենց ռեպորտաժներում:
«Ռազմանավերի կործանիչ» կոչվող այս ինքնաթիռները հայտնվել են ճապոնական Նոտո կղզու մերձակայքում այն պահին, երբ զինվորականները փորձարկում էին նավերով հակառակորդի բալիստիկ հրթիռների վերացումը: Այդ նավերի վրա տեղադրված են եղել Aegis հակահրթիռային համակարգերը:
Ճապոնիան և ԱՄՆ-ն արդեն մի քանի օր է՝ ճապոնական տարածքների մերձակայքում անցկացնում են «Սուր թուր» անունը կրող զորավարժությունները, որոնք աննախադեպ են. ընդգրկված են մի քանի հարյուր ռազմանավեր և տասնյակ հազարավոր զինվորականներ:
Ճապոնիայի կողմից այդ զորավարժություններին մասնակցում են 40 ռազմանավ և 250 ինքնաթիռ: Ամերիկյան զորքերը ներկայացված են 10 հազար զինվորականներով , 20 ինքնաթիռով և 150 օդանավով: Զորավարժություններին մասնակցում է նաև «Ջորջ Վաշինգտոն» ավիակիրը: Սրանք աննախադեպ թվեր են, քանի որ նախկինում համատեղ զորավարժություններում այսքան զինտեխնիկա և զինվոր ներգրավված չեն եղել: