Չեմպիոնների լիգա. վերջին տուր

Երեկ կայացան ՈՒԵՖԱ-ի Չեմպիոնների լիգայի խմբայի փուլի վերջին տուրի հանդիպումները A, B, C և D խմբերում: A խմբում լիգայի գործող չեմպիոնը՝ Միլանի «Ինտեր»-ը, հյուրընկալվելիս խոշոր` 3:0 հաշվով պարտություն կրեց Բրեմենի «Վերդեր»-ից: «Տվենտե»-«Տոտենհեմ» հանդիպումն ավարտվեց 3:3 հաշվով: Այսպիսով , «Տոտենհեմ»-ն ու «Ինտեր»-ը իրենց ելույթները կշարունակեն 1/8 եզրափակչում, «Տվենտե»-ն` ՈՒԵՖԱ-ի գավաթում: B խմբում «Շալկե»-ն 2:1 հաշվով մրցակցի հարկի տակ առավելության հասավ «Բենֆիկա»-ի նկատմամբ: Լիոնը սեփական դաշտում միայն 88-րդ րոպեին կարողացավ հավասարեցնել հաշիվը «Հապոել»-ի հետ խաղում և զրկեց վերջինիս ՈՒԵՖԱ-ի գավաթի խաղարկությանը մասնակցելու հնարավորությունից: C խմբի երկու հանդիպումներն էլ ավարտվեցին միևնույն՝ 1:1 հաշվով. «Մանչեսթեր Յունայթեդ»-ը «Օլդ Թրաֆորդ»-ում «Վալենսիա»-ի հետ խաղում հասավ իրեն ձեռնտու արդյունքի, «Ռեյնջես»-ն էլ թույլ տվեց «Բուրսասպոր»-ին վաստակել առաջին միավորը: D խմբում «Բարսելոնա»-ն,- կարելի է ասել՝ «Բարսելոնա- B»-ն,- վերջապես կարողացավ պարտության մատնել «Ռուբին»-ին` 2:0: «Կոպենհագեն»-ը 3:1 հաշվով հաղթեց «Պանատինաիկոս»-ին և «Բարսելոնա»-ի հետ դուրս եկավ հաջորդ փուլ: A, B, C և D խմբերի մրցաշարային աղյուսակների վերջնական տեսքն այսպիսին է.
A խումբ
1.«Տոտենհեմ»-11 մ.
2.«Ինտեր»-10 մ.
3.«Տվենտե»-6 մ.
4.«Վերդեր»-5 մ.
B խումբ
1.«Շալկե»-13 մ.
2.«Լիոն»-10 մ.
3.«Բենֆիկա»-6 մ.
4.«Հապոել»-5 մ.
C խումբ
1.«Մանչեսթեր Յունայթեդ»-14 մ.
2.«Վալենսիա»-11 մ.
3.«Գլազգո Ռեյնջերս»-6 մ.
4.«Բուրսասպոր»-1 մ.
D խումբ
1.«Բարսելոնա»-14 մ.
2.«Կոպենհագեն»-10 մ.
3.«Ռուբին»-6 մ.
4.«Պանատինաիկոս»-2 մ.