ComputerWorld-ը, հղում անելով IDC խմբի կողմից կատարած հետազոտությանը, գրում է, որ անհատական համակարգիչների գերիշխանությունը կավարտվի առաջիկա 18 ամիսների ընթացքում, իսկ 2012թ. սկսած սմարթֆոները և պլանշետային համակարգիչներն ավելի մեծ ծավալներ կունենան անհատական համակարգիչների շուկայում: Չնայած ապագայում է անհատական համակարգիչների վաճառքի թիվն աճելու է, սակայն ավելի ցածր տեմպերով, քան սենսորային դիսփլեյներով սարքերը:
Փաստաթղթում նշված է, որ այս տարի այդօրինակ սարքերի քանակը համաշխարհային շուկայում կազմել է 284 մլն հատ, 2011թ. կկազմի 377 մլն հատ, իսկ 2012թ.` 462 մլն հատ:
Անհատական համակարգիչների քանակը նույն ժամանակահատվածում կկազմի համապատասխանաբար 356, 402, 448 մլն հատ:
Ըստ IDC խմբի գլխավոր վերլուծաբան Ֆրենկ Հենսի` պլանշետներն ու սմարթֆոները ոչ թե դուրս են մղում ԱՀ-ները, այլ ավելի են մեծացնում այդ շուկան: Ըստ փորձագետի` հաջորդ տարի IT-ծախսերը կաճեն 5,7%-ով և կկազմեն 1, 6 տրլն դոլար: