Սաակաշվիլին խաղաղության նամակներ է գրում աշխարհին

Վրաստանի նախագահ Միխեյլ Սաակաշվիլին մեծ երկրների ղեկավարներին նամակներ է հղել, որտեղ հանդես է եկել խաղաղության իր նախաձեռնությամբ: Այս մասին մամուլի ասուլիսի ժամանակ հայտնել է Սաակաշվիլու մամուլի քարտուղար Մանաան Մանջգալաձեն: «Մի քանի օր առաջ նախագահը պաշտոնական նամակ է հղել ՄԱԿ-ի գլխավոր քարտուղարին, ԵԱՀԿ և ԵՄ ղեկավարներին, ՆԱՏՕ-ի գլխավոր քարտուղարին, ԱՄՆ նախագահին, Եվրահանձնաժողովի նախագահին»,- հայտնել է նա: Մամուլի քարտուղարն ասել է, որ նամակներում Սաակաշվիլին հերթական անգամ ներկայացրել է իր խաղաղության իր կոնկրետ առաջարկները` Վրաստանում հակամարտությունների լուծման վերաբերյալ: «Նախագահը հերթական անգամ հավաստել է, որ ուժ չի կիրառի տարածքային ամբողջականության վերականգնման համար: Այս մասին նա խոսել է ԵԱՀԿ-ի գագաթաժողովում, ինչպես նաև ելույթ ունենալով Եվրոպառլամենտում», ասել է Մանձգալաձեն: Այս մասին հաղորդում է Trend գործակալությունը: