1988 թ. դեկտեմբերի 7-ի ավերիչ երկրաշարժի հետևանքով Շիրակի մարզի համայնքներում վնասվեց 3,677 մլն քառ. մ ընդհանուր մակերեսով բնակտարածություն: Գյումրիում փլվեց շուրջ 22 հազար բնակարան:
«Աղետի գոտում բնակարանների բաշխման գործընթացի մոնիտորինգ» զեկույցում նշվում է, որ վերջին տարիների ընթացքում Գյումրիում կառուցվել է մոտ 18.000 բնակարան:
2009 թ. տվյալներով՝ 4200 ընտանիք դեռևս հաշվառված է Գյումրու անօթևանների հերթացուցակում, որից 1056-ը բնակարան ստացան այս տարում:
Երկրաշարժի պատճառով Շիրակի մարզի բնակավայրերում վնասված 3,677մլն քառ. մ ընդհանուր մակերեսով բնակտարածությունից մինչև 1998 թվականը վերականգնվել էր 1,525 մլն քառ. մ բնակֆոնդ: 1998-2001 թթ. մարզում ծրագրվեց վերականգնել ընդամենը 1,071 մլն քառ. մ բնակտարածություն, որը նախորդ ծրագրից
պակաս էր 1,081 մլն քառ. մ-ով:
Գյումրիում ՀՀ կառավարության 2009-2010 թթ. բնակարանային շինարարության ծրագրով կառուցվեց և բաշխվեց 1056 բնակարան, որոնցից մեկսենյականոց` 440, երկսենյականոց` 352, երեքսենյականոց` 264 բնակարան: