«Բարձրաստիճան ոստիկանները համագործակցում են մեզ հետ, իսկ շարքայինները՝ զգուշանում»,- ասում է Եռաբլուրի տարածքում հայտնի գեյ մարմնավաճառ Վարդանը, իսկ ավելի կոնկրետ` Խուլիանան, և շարունակում. «Մեզ ոչ ոք չի կարող արգելել աշխատել այն տարածքում, որտեղ ուզում ենք, ով փորձել է` արդեն իսկ համոզվել է»:
Եվ իսկապես, տեսնես՝ ինչպե՞ս է պատահում, որ գեյ-տրանսվեստիտները միշտ հաղթում են ՀՀ ոստիկանների հետ բախումներում, իհարկե, եթե նմանատիպ բախումներ լինում են: Սա կամ վկայում է ՀՀ ոստիկանության անզորությունը, կամ էլ ապացուցում մեկ այլ ակնհայտ բան, որի մասին բացեիբաց խոսում են նաև պճնված գեյերը. հայ գեյերն անձեռնմխելի են՝ շնորհիվ իրենց ազդեցիկ թիկունքի: Եթե հավատանք Խուլիանայի երկար-բարակ պատմություններին` նրանք ցանկացած պահի կարող են զանգել այնպիսի մարդկանց, որ… ապշելու է: Իսկ եթե չհավատանք էլ, միևնույն է, զարմանալի է առկա պատկերը։
Նրանց թիվն արդեն շատ բան է ասում, և պետք է միայն տեսնել, թե ինչ շքեղ մեքենաներ են գալիս նրանց հետևից: Իրենց «կլիենտների» համար հայ գեյերը բավականին գումարներ են ծախսում՝ հագուստ, արդուզարդի առարկաներ և մի շարք այլ բաներ, որոնք մեզ երևի թե այնքան էլ հետաքրքիր չեն, և նույն այդ «կլիենտների» շնորհիվ էլ հայ գեյերը համարյա անձեռնմխելի են, նրանց որևէ մեկը չի կարող նեղացնել. «Մեզ չեն էլ փորձում նեղացնել, շատ ինֆորմացիա ունենք բոլորի մասին, սա է մեր զենքը և մենք արդեն շատ ենք»,- խոստովանում է Խուլիանան: