Հոկտեմբերի 17-ին Apple ընկերությունը հայտարարել է, որ առաջին 3 օրերին վաճառվել է չորս միլիոն iPhone 4s: Ինչպես հայտնում է Reuters գործակալությունը, նոր սերդնի սմարթֆոնները վաճառքի են հանվել Ճապոնիայում, Ավստրալիայում, Ֆրանսիայում, Մեծ Բրիտանիայում, Կանադայում և ԱՄՆ-ում: Հոկտեմբերի 28-ից iPhone 4s-ը վաճառքի կհանվի ևս 22, իսկ տարեվերջին` 70 երկրներում:
Հիշեցնենք, որ iPhone 4s-ը հանրությանն էր ներկայացվել հոկտեմբերի 4-ին, վաճառքի հանվել հոկտեմբերի 14-ից: Աշխարհի շատ երկրներում նոր սմարթֆոններ ձեռք բերելու համար հերթեր են գոյացել: Կալիֆոռնիայում հերթի է կանգնել նաև Apple-ի հիմնադիր Սթիվ Վոզնյակը:
Վաճառքից մի քանի օր առաջ Apple-ը ստացել է նոր սմարթֆոնների մոտ մեկ միլիոն նախնական պատվեր, որը գերազանցել է նախկին ռեկորդը: Կես տարի առաջ iPhone 4-ի համար գրանցվել էր 600 հազար պատվեր:
