Եթե 2004-ին Հայաստանի պետական բուհեր ընդունված բոլոր օտարերկրյա ուսանողների 13%-ն էին ՌԴ քաղաքացիներ, ապա 2009-ին ՌԴ քաղաքացիների տեսակարար կշիռը օտարերկրյա ուսանողների կազմում հասել է 37%-ի:
Հայաստանում պետական բուհերի օտարերկրյա ուսանողների ընդհանուր թվաքանակի մեջ աճում է Ռուսաստանի Դաշնության քաղաքացի հանդիսացող ուսանողների տեսակարար կշիռը: Սա եր-ում է Ազգային վիճակագրական ծառայության երեկ հրապարակած «Հայաստանի Հանրապետության սոցիալական վիճակը 2009 թվականին» զեկույցից` պայմանավորված, թերեւս, «Հայ-ռուսական (Սլավոնական) hամալսարանի» գործունեությամբ: Եթե 2004 – 2005 թվականներին Ռուսաստանի քաղաքացի հանդիսացող ուսանողների թվաքանակը կազմել է համապատասխանաբար 130 – 170, ապա հետագա տարիներին այն աստիճանաբար աճելով` 2008-ին դարձել է 201, իսկ 2009-ին նվազել ` կազմելով 178: Սակայն քանի որ Հայաստանի պետական բուհեր ընդունված օտարերկրացիների ընդհանուր թվաքանակը ավելի մեծ չափով է նվազել, այդ պատճառով էլ ռուսաստանցիների տեսակարար կշիռն օտարերկրացիների մեջ աճել է նա- 2009-ին: Արդյունքում, եթե 2004-ին Հայաստանի պետական բուհեր ընդունված բոլոր օտարերկրյա ուսանողների 13%-ն էին ՌԴ քաղաքացիներ, ապա 2009-ին ՌԴ քաղաքացիների տեսակարար կշիռն օտարերկրյա ուսանողների կազմում հասել է 37%-ի: