Անահիտ Գրիգորյանը երկար է երազել բժիշկ դառնալ: Նա ավարտել է Գլենդելի ավագ դպրոցը, ընդունվել համայնքի քոլեջ և սկսել է աշխատել՝ համալսարանական կրթություն ստանալու համար: Սակայն 20-ամյա աղջկան չեն թույլատրել մասնակցել Բժշկական քոլեջի ընդունելության թեստին: Գրիգորյանը, ինչպես Կալիֆոռնիայի քոլեջի հազարավոր այլ ուսանողներ, անօրինական են այս երկրում, որն անհնար է դարձնում սոցիալական ապահովագրություն, վարորդական իրավունք կամ օրինական աշխատանք ստանալը:
«Իմ ողջ կյանքը կեղծիք է»,- ասել է Գրիգորյանը: Երբ ամեն անգամ ինչ-որ մեկն ինձ հարցնում է, թե ինչու չեմ ավտոմեքենա վարում, ես ստիպված եմ լինում արդարանալ, ամաչում եմ: Շատ ներգաղթյալներ ասում են, որ Կալիֆոռնիայի «Երազանքի օրենք»-ը, որն ընդունվել է հոկտեմբերի 8-ին՝ նահանգապետ Ջերի Բրաունի կողմից, ճիշտ քայլ է:
Սկսած 2013 թ. հունվարից՝ փաստաթուղթ չունեցող, ցածր եկամուտ ունեցող ուսանողները կկարողանան հասարակական, ֆինանսական օգնություն ստանալ:
Օրենքը թույլ կտա ուսանողներին կրթություն ստանալ, կամ հասարակական ու զինվորական ծառայություն իրականացնել, որպեսզի ժամանակավոր բնակության իրավունք ստանան՝ 10 տարվա համար: Նրանք չեն կարողանա օգտվել սոցիալական ծառայություններից, սակայն նվազագույնը՝ նրանք կունենան սոցիալական ապահովագրություն, որը թույլ կտա աշխատանքի թույլտվություն ստանալ և վարորդական իրավունք ձեռք բերել:
Ուսանողների փաստաբան Սինտիա Գոնսալեսը նշում է, որ այդ ուսանողները ԱՄՆ-ում են ապրել կյանքի մեծ մասը, ապրել են ամերիկյան կենսակերպով, և, դժբախտաբար, նրանք չունեն նույն արտոնությունները, ինչ ունեն ԱՄՆ-ում ծնվածները:
Մեքսիկացի Անդրես Ագիլերան, ով 19 տարեկան է, ասել է, որ ԱՄՆ է տեղափոխվել, երբ 4 տարեկան էր: «Սա միակ երկիրն է, որ ճանաչում եմ: Ես պարզապես փորձում եմ աշխարհում իմ տեղը գտնել, որովհետև կան մարդիկ, ովքեր ասում են, որ ես այստեղից չեմ, իսկ մյուսներն էլ ասում են, որ ես բավականաչափ մեքսիկացի չեմ՝ Մեքսիկա վերադառնալու համար»,- ասում է Ագիլերան:
Այս մասին գրում է Glendale News-Press թերթը: