Այսօր հրավիրված մամլո ասուլիսի ընթացքում Սպառողների ազգային ասոցիացիայի նախագահ Մելիտա Հակոբյանն ահազանգեց , որ տնտեսվարողները, օգտվելով առաջիկա Ամանորյա տոներից, ինչպես միշտ, սկսել են սննդամթերքը թանկացնել: Մելիտա Հակոբյանի խոսքերով, ստեղծված իրավիճակին վերջ տալու համար պետական մարմինները գնային զսպվածություն պետք է իրականացնեին, ինչպես քաղաքակիրթ մի շարք երկրներում, որտեղ Ամանորի նախօրեին գները ոչ թե բարձրանում, այլ նվազում են: Մինչդեռ մեր ղեկավարները սիրում են խոսել եվրոպական գներից, բայց երբեք չեն խոսում եվրոպական մինիմալ աշխատավարձի մասին: Իսկ Հայաստանում նախատոնական օրերին սննդամթերքի, հատկապես ներկրված սննդամթերքի գներն օր օրի բարձրանում են, իսկ Հայաստանում սննդամթերքի 85 տոկոսը ներկրվում է: