Թուրքական Zaman թերթի փոխանցմամբ՝ Թուրքիայի արտգործնախարար Ահմեդ Դավութօղլուն ու ԱՄՆ պետքարտուղար Հիլարի Քլինթոնը հեռախոսազրույց են ունեցել։
Հեռախոսազրույցի ժամանակ կողմերի քննարկման հիմնական առարկան եղել է Իրանի հարցը, այդ թվում նաև Սաուդյան Արաբիայի դեսպանի դեմ մահափորձում Իրանի հնարավոր մասնակցությունը։
Բացի այդ, քննարկվել է նաև ԵՄ-ին Թուրքիայի անդամակցության գործընթացը։ Քլինթոնն ընդգծել է, որ ԱՄՆ-ը աջակցում է դրան։ Քլինթոնը հույս է հայտնել, որ Դավութօղլուի հետ կհանդիպի Թուրք-ամերիկյան ասոցիացիայի նիստում, որը տեղի է ունենալու այս ամսվա վերջին, Վաշինգտոնում։ Սակայն Դավութօղլուն պատասխանել է, որ դժբախտաբար, չի կարող մասնակցել դրան, քանի որ նոյեմբերի սկզբին Ստամբուլում կայանալու է Աֆղանստանին նվիրված միջազգային կոնֆերանս։
Հիշեցնենք՝ ավելի վաղ նշվում էր, որ Հիլարի Քլինթոնը նոյեմբերի 2-ին այցելելու է Թուրքիա։