ԱՊՀ-ն կունենա միգրացիոն ծառայությունների մեկ ընդհանուր համակարգ: Այս մասին Interfax-ին հայտնել է Ռուսաստանի դաշնային միգրացիոն ծառայության տնօրենի տեղակալ Միխայիլ Տյուրկինը:
«Արդեն կա հայեցակարգը և տեխնիկական առաջադրանքը, այնպես որ, կարող ենք սկսել գործնական աշխատանքը»,- ասել է Տյուրկինը: Նրա խոսքերով, տեղեկությունների ընդհանուր բազա ստեղծելու համար անհրաժեշտ է մի քանի տարի:
Տյուրկինը նշել է, որ Ռուսաստանում արդեն ստեղծված է տեղեկությունների սեփական բազան, որը թույլ է տալիս իմանալ, թե ով է ժամանել, ով՝ մեկնել, ով որտեղ է աշխատանքի անցել, հանցագործություն կատարել: