CNN հեռուստաընկերության փոխանցմամբ՝ ԱՄՆ-ում դադարեցվել է նոր տեսակի 100 դոլարանոց թղթադրամների տպագրությունը, քանի որ դրանց մեծ մասը որակի հետ կապված խնդիրներ ուներ:
Տպագրությունը դադարեցնելու պահին արդեն տպագրված է եղել 1.1 մլրդ դոլարի թղթադրամ: Հիմա մասնագետները մշակում են ծրագրեր, որով կարող են արդեն տպագրված խմբաքանակից հեռացնել անորակ թղթադրամները։ Եթե այդ գործընթացը ձեռքով արվի, կտևի մոտ 20-30 տարի: Իսկ եթե մշակվի դրանց հայտնաբերման մեխանիկական ուղի, ապա այդ ժամկետը կկրճատվի մինչև մեկ տարի:
Տպագրական թղթի անորակության պատճառով թղթադրամի վրա մնում էին սպիտակ շերտեր: Այսօրինակ խնդիրներ է ունեցել թղթադրամների մոտ 30%-ը:
Հայտնի է նաև, որ մեկ թղթադրամ տպելու համար կառավարությունը ծախսում է 12 ցենտ, այսինքն՝ վերոնշյալ խմբաքանակի համար ծախսվել է 120 մլն դոլար: