Ինչպես փոխանցում The Wall Street Journal-ը, այս գիշեր ԱՄՆ գլխավոր դատախազ Էրիկ Հոլդոնը հայտարարել է, որ հաջողվել է հայտնաբերել մոտ 500 մարդու, որոնք ներգրավված են եղել խարդախության խոշոր հանցագործության մեջ: Ըստ դատախազի` անցկացված «Կորսված վստահություն» օպերացիային, որը սկսվել էր 2010 թ. օգոստոսին, մասնակցել են ԱՄՆ հատուկ ծառայությունների բոլոր ստորաբաժանումները: Ըստ դատախազի՝ ձերբակալվածների մի մասը գտնվում է նախնական կալանքի տակ, մի քանիսը կարող են ստանալ 20-85 տարվա ազատազրկում: 189 մարդ դատարանի առաջ պատասխան կտան քաղաքացիական օրենսգրքով: Քրեական գործերով հասցված վնասը հասնում է 8.3 մլրդ, քաղաքացիական գործերով` 1.2 մլրդ դոլարի:
Խարդախության մեծ մասը կապված է ներդրումային գործարքների հետ, երբ հանցավոր խմբերի ներկայացուցիչներն առաջարկում էին խաբված հաճախորդներին իրենց գումարները ներդնել «ֆինանսական բուրգի» մեջ: Իսկ ամեն հին հաճախորդի ստացած օգուտները վճարվում էին ամեն հաջորդ նոր հաճախորդի ներդրման հաշվին: