ԼՂՀ ԱԺ նախագահ Աշոտ Ղուլյանը երեկ ընդունել է բրիտանական The HALO TRUST ոչ կառավարական կազմակերպության ղարաբաղյան ծրագրի ղեկավար Ռոլի Քլարկին և նույն ծրագրի գործողությունների գծով կառավարիչ Յուրի Շահրամանյանին: Ինչպես տեղեկացնում են ԼՂՀ ԱԺ մամլո ծառայությունից, զրույցի ժամանակ ծրագրի ղեկավարը ներկայացրել է Լեռնային Ղարաբաղում The HALO TRUST-ի առաքելության ձեռքբերումներն ու առաջիկա անելիքները, ինչպես նաև առկա խնդիրները: Մասնավորապես, ծրագրի ղեկավարը հաղորդել է, որ անցած տասը տարվա ընթացքում չպայթած ականներից և այլ զինամթերքից վնասազերծվել է, ընդհանուր առմամբ, շուրջ 4000 հա տարածք, իսկ ներկայում ականազերծման կարիք ունի ևս ավելի քան 1000 հա տարածք: