«Եգիպտական ռազմական ինքնաթիռները պարեկություն են կատարում Սինայում՝ առանց Իսրայելի համաձայնության, չնայած 1979 թ. խաղաղ պայմանագրի, ըստ որի՝ Եգիպտոսի ռազմական ներկայությունը Սինայում սահմանափակ է»,- հինգշաբթի օրը հայտարարել է Եգիպտոսի օդային ուժերի հրամանատարը: Այս մասին հաղորդում է AFP-ն:
Հիշեցնենք, որ Սինայի որոշ շրջաններ, համաձայն 1979 թ. պայմանագրի՝ փակ են եգիպտական զորքերի համար, սակայն վերջին ամիսներին եգիպտական բանակը լրացուցիչ ուժեր է կենտրոնացրել իսլամիստ-գրոհայինների հայտնաբերման և ոչնչացման համար:
«Սինայը մեր հողն է, և մեզ հարկավոր չէ թույլտվություն, որպեսզի շատացնենք մեր զորքերը մեր իսկ հողի վրա: Մեր ինքնաթիռները պարեկություն են կատարում ամբողջ Եգիպտոսի սահմանների պաշտպանության համար, այդ թվում՝ և արևելյան սահմանի»,- ասել է Եգիպտոսի օդային ուժերի գեներալ Ռեդա Հաֆիզը՝ MENA գործակալությանը տված իր հարցազրույցում:
