Վայքի հիվանդանոցի ծննդաբերական բաժանմունքի նախկին վարիչ Մետաքսյա Հովհաննիսյանը, ով օգոստոսի 11-ին ծննդաբերության հատկանիշներով հիվանդանոց տեղափոխված մի կնոջ առաջարկել էր սպասել մինչև բուրդը չփխի գա և արդյունքում նորածինը երկու շաբաթ պայքարելով ապրելու համար մահացավ, ընդհատակ է անցել:
Նախ նա մեզ հետ զրույցում հավատացնում էր, որ կատարվածը իր մեղքով չէ, բայց Առողջապահության նախարարության ստեղծած աշխատանքային խմբի ուսումնասիրությունից հետո նա ազատվեց զբաղեցրած պաշտոնից, ինչպես նաև քրեական գործ հարուցվեց դեպքի կապակցությամբ:
Այսօր մենք փորձեցինք զրուցել Մետաքսյա Հովհաննիսյանի հետ, նա պատասխանեց մեր զանգին, բայց երբ լսեց հարցը, թե պատրաստվո՞ւմ է բողոքարկել նախարարի որոշումը կամ իրեն առաջադրված մեղադրանքը, ընդհատեց հեռախոսազրույցը և դարձավ անհասանելի: Ստացվում է, որ մինչ այս նա հերքում էր իր մեղավորությունը, իսկ հիմա կարծես ամաչում է իր արարքից և խուսափում շփվել լրագրողների հետ:
