«Ֆրանսիայի նախագահ Նիկոլա Սարկոզիի հայամետ հայատարարությունները միտված էին ընդամենը մեկ բանի`նույն իր` Սարկոզիի ներքաղաքական շահերին»,- այսօր կայացած մամուլի ասուլիսի ժամանակ ասաց ԼՂՀ նախկին ԱԳ նախարար Արման Մելիքյանը՝ ավելացնելով, որ Հայկական հարցը, որպես շանտաժ, հաճախ է կիրառվել Թուրքիայի դեմ:
ՀՀԿ-ական պատգամավոր Լեռնիկ Ալեքսանյանն իր հերթին ավելացրեց, որ Սարկոզիի հայտարարություններից երևում էր` նա ցանկանում է Ֆրանսիայում կայանալիք նախագահական ընտրություններից առաջ շահել ֆրանսահայ համայնքի համակրանքը: «Բայց նրա ելույթները միայն այդ գործոնով պայմանավորելը ճիշտ չի լինի»,- ընդգծեց խորհրդարանականը:
Անդրադառնալով ղարաբաղա-ադրբեջանական շփման գծում Ադրբեջանի կողմից կառուցվող պատի թեմային` Մելիքյանը նկատեց, որ դա յուրօրինակ քարոզչություն է, և Ադրբեջանը փորձում է կրկնօրինակել Իսրայելի փորձը:
Ալեքսանյանը ևս համաձայնեց, որ սա ադրբեջանական կողմից իրականացվող քարոզչական բնույթի քայլ է, սակայն ռազմական-պաշտպանական գործառույթը ևս չի կարելի բացառել:
Հիշեցնենք, որ Ադրբեջանը ղարաբաղա-ադրբեջանական շփման գծում սկսել է պաշտպանական պատ կառուցել:
