Արգենտինայի մայրաքաղաք Բուենոս Այրեսում այսօր եկեկոյան կկազմակերպվի The Beatles խմբի անդամների անձական իրերի աճուրդ:
Ինչպես հաղորդում է РИА Новости-ն, աճուրդին կներկայացվի 122 նմուշ, որոնք այս կամ այն կերպ կապված են «լիվերպուլյան քառյակի» կյանքի և ստեղծագործական գործունեության հետ: Մասնավորապես՝ կներկայացվեն խմբի երգերի ձեռագիր տեքստեր, երաժշտական գործիքներ խմբի անդամների ստորագրություններով, նրանց անձնական իրերը, բացառիկ լուսանկարներ, նրանց ստորագրած բանկային քարտերը, համերգների պոստերները, պլատինե և ոսկե ձայնասկավառակները:
Ցուցանմուշների գինը տատանվում է 150-ից մինչև մի քանի տասնյակ հազար դոլարի սահմաններում: Այսպես, Ջոն Լենոնի` կնոջը նվիրած նկարի նախնական գինը կլինի 22.5 հազար դոլար:
Աճուրդի հանված հավաքածուն պատկանում է ուկրաինական ծագմամբ արգենտինացի Ռաուլ Բլիսնյուկին, որը 13 տարեկանից սկսած 4 տասնամյակ զբաղվել է այդ գործով: 1998 թ. նրա հավաքածուն (3000 օրինակ) գրանցվել է Գինեսի ռեկորդների գրքում` որպես Հարավային Ամերիկայում «լիվերպուլյան քառյակի» ամենամեծ հավաքածու: Այժմ դրանում հաշվվում է 10 հազար նմուշ:
