Մոսկվայի «Դոմոդեդովո» օդանավակայանում տեղի ունեցած ավիավթարի պատճառ է հանդիսացել վառելիքը, որը սառել է բարություն հավաքելիս: Այս մասին հայտնել են օդանավի օդաչուները, որոնք գտնվում են այս պահին հիվանդանոցում, սակայն ի վիճակի են եղել ցուցմունքներ տալ հատուկ քնչական ծառայությանը: Օդաչուներից Մագոմեդ Շամալովը հայտնել է LifeNews կայքին, որ Տու-154 օդանավի շարժիչները կանգ են առել, քանի որ իր կարծիքով օդանավակայանի աշխատակիցները մոռացել են վառելիքին ավելացնել չսառող նյութ, որն աշխատանքային վիճակում է պահում շարժիչները ցածր ջերմաստիճանների ժամանակ: «Ես 100%-ով համոզված եմ, որ վառելիք լցնելիս աշխատակիցները մոռացել են ավելացնել «Արկտիկ» չսառող նյութը: հենց այդ պատճառովել մեկը մյուսի հետևից օդանավերը կանգ են առել», պատմել է օդաչուն: Նա նաև պատմել է, թե ինչպես է գործել անձնակազմն այդ վթարային իրավիճակում: Օդաչուն ասել է, որ իրենց մեծ դժվարությամբ հաջողվել է պահել մեքենան օդում, որպեսզի այն միանգամից վայր չընկնի, այլ գոնե հնարավոր լինի այն հասցնել մինչև օդանավակայան:
