ԱԺ «Ժառանգություն» խմբակցության ղեկավար Ստեփան Սաֆարյանն անդրադարձավ մարտի 1-ի դեպքերն ուսումնասիրած ԱԺ ժամանակավոր հանձնաժողովի առաջարկությունների կատարման մոնիտորինգի զեկույցի քննարկմանը: Նա հայտարարեց, թե անիմաստ է այս զեկույցի քննարկումը, քանի որ Մարտի 1-ի հետեւանքները չեն վերացել, իսկ պատճառները չեն ճշտվել: «Պետությունը պատշաճ իրավական-քաղաքական գնահատական չի տվել թե դրա պատճառներին, թե դրա կատարողներին: Եվ եթե մենք չգիտենք այս ամբողջ հարցերի պատասխանները, եթե հանրապետության երեք նախագահները` որպես այս գործընթացում կարեւորագույն դերակատարներ, հարցաքննված չեն, եթե 10 սպանությունները բացահայտված չեն, գործերն էլ կարճված չեն, ի՞նչն ենք մոնիտորինգ անում, ի՞նչ Մարտի 1-ի պատճառների վերացման մասին է խոսքը»,- հայտարարեց Սաֆարյանը:
Լուսանկարը` PanarmenianPhoto-ի
