«Եթե հայկական և ռուսական հավաքականները դուրս գան «Եվրո-2012», հայկական դրոշը ձեռքիս կվազեմ Մոսկվայի փողոցներով մինչ առավոտ»: Այս մասին LifeSports կայքին տված իր հարցազրույցում ասել է ազգությամբ հայ շոումեն, հումորիստ, հաղորդավար Գարիկ Մարտիրոսյանը: Նա ընդգծել է, որ եթե Մեր ազգային հավաքականը դուրս գա «Եվրո-2012», նա մինչ առավոտ կվազի Մոսկվայի փողոցներով՝ հայկական դրոշը ձեռքին:
Անդրադառնալով Հայաստան-Իռլանդիա ֆուտբոլային հանդիպմանը` նա ասել է, որ անհամբերությամբ է սպասում դրան, քանի որ այն պատմական խաղ է լինելու Հայաստանի ֆուտբոլի ազգային հավաքականի համար: «Ես այդ ժամանակ նկարահանման հրապարակում եմ լինելու, բայց անելու եմ ամեն բան խաղը դիտելու համար»,- նշել է Գ. Մարտիրոսյանը` հույս հայտնելով, որ Հայաստանի ազգային հավաքականը կհաղթի Իռլանդիայի հավաքականին:
Հիշեցնենք, որ Հայաստանի ազգային հավաքականի հաղթանակի դեպքում Վարդան Մինասյանի սաները B խմբում կգրավեն երկրորդ տեղը հնարավորություն կստանան մեկ այլ ընտրական խմբում երկրորդ տեղը զբաղեցրած թիմի հետ վիճարկելու «Եվրո-2012»-ի փուլին մասնակցելու ուղեգիր: