Իսպանիայի առաջնությունում, որտեղ պայքարը վաղուց երկու մասի է բաժանվել, «Բարսելոն», «Ռեալ» առաջին, երկրորդ տեղերի համար և մյուս ակումբները մնացած տեղերի համար, կայացան 14-րդ տուրի հանդիպումները: «Օսասունա»-«Բարսելոն» խաղը կարող էր և չկայանալ ավիաընկերության աշխատակիցների գործադուլի պատճառով: Արդյունքում կատալոնացիները գնացքով հասան Պամպլոնա, և հանդիպումը մեկնարկեց նախատեսվածից 45 րոպե ուշացումով: Այդուհանդերձ տրանսպորտային խնդիրներն էլ չխանգարեցին Գվարդիոլայի սաներին հասնել հեշտ հաղթանակի: Մեսիի դուբլի շնորհիվ «Բարսելոն»-ը հաղթեց 0:3 հաշվով: Այս հանդիպումը չավարտված` «Սանտիագո Բերնաբեու» մարզադաշտ դուրս եկան «Ռեալ»-ն ու «Վալենսիա»-ն: «Կլասիկո»-ում տեղի ունեցած խայտառակությունից հետո սա մադրիդցիների առաջին հանդիպումն էր: Ժոզե Մոուրինիոյի սաները 2:0 հաշվով առավելության հասան մրցակցի նկատմամբ և ապացուցեցին, որ հաղթահարել են հոգեբանական խնդիրները: Ռոնալդուն դարձավ դուբլի հեղինակ և ռմբարկուների պայքարում կրկին շրջանցեց Մեսսիին: Մյուս խաղերում «Ատլետիկո»-ն անսպասելի պարտություն կրեց «Լեվանտե»-ից 2:0 հաշվով: 52-րդ րոպեից 10 հոգով մնացած «Էսպանյոլ»-ը Լուիս Գարսիայի 70-րդ րոպեին հեղինակած միակ գոլի շնորհիվ հաղթեց «Սպորտինգ»-ին և 4 միավորով առաջ անցավ հինգերորդ տեղում ընթացող «Վալենսիա»-ից: «Խետաֆե»-ն ու «Մալագա»-ն խոշոր` 3:0 և 4:1 հաշիվներով պարտության մատնեցին համապատասխանաբար «Մալյորկա»-ին ու «Ռասինգ»-ին: «Սոսիեդադ»-«Ատլետիկ»` 2:0: «Վիլյառեալ»-«Սևիլիա»` 1:0: Տուրի միակ ոչ ոքին գրանցվեց «Ալմերիա»-«Սարագոսա» խաղում` 1:1: 14-րդ տուրից հետո մրցաշարային աղյուսակի վերին հատվածն այսպիսի տեսք ունի.
1 .«Բարսելոն»-37 մ.
2 . «Ռեալ»-35 մ.
3. «Վիլյառեալ»-30 մ.
4. «Էսպանյոլ»-28 մ.
5. «Վալենսիա»-24 մ.