Դեկտեմբերի 3-ին`ժամը 11.59-ին, ահազանգ է ստացվել, որ Սյունիքի մարզի Մեղրի քաղաքի «Հգերակի ջրավազաններ» կոչվող տարածքին հարակից սարալանջում խոտ է այրվում:
Դեպքի վայր են մեկնել հրշեջ-փրկարարներ: Հրդեհաշիջման աշխատանքները շարունակվել են նաև հաջորդ օրը` դեկտեմբերի 4-ին: Հրդեհը մեկուսացվել է ժամը 10.10-ին, մարվել`14.50-ին: Այրվել է 3000 քմ խոտածածկ տարածք:
Դեկտեմբերի 3-ից 5-ն ընկած ժամանակահատվածում հրդեհներ են բռնկվել նաև Երևանի Սեբաստիայի փողոցի թիվ 32 շենքին հարակից զբոսայգում. այրվել է կրպակ 5 քմ մակերեսով, Գյումրի քաղաքի Մուշ-2 թաղամասում մասամբ այրվել է Կ. Ասատրյանին պատկանող թիվ 10 տնակը` 4 քմ մակերեսով, և այնտեղ կուտակած 3 տ անասնակերը, Լոռու մարզի Սարչապետ գյուղում այրվել է Յու. Հովսեփյանին պատկանող անասնագոմի տանիքը` 35 քմ մակերեսով, Շիրակի մարզի Ջաջուռ գյուղում Ա. Հովհաննիսյանին պատկանող տան բակում այրվել է 250 հակ անասնակեր, Արագածոտնի մարզի Ակունք գյուղում այրվել է Ռ. Վարդևանյանին պատկանող անասնագոմում պահեստավորված անասնակերը` 80 հակ և անասնագոմի տանիքը` 20 քմ մակերեսով, Սյունիքի մարզի Հարժիս գյուղում այրվել են Հ. Նիկողոսյանին պատկանող անասնագոմի տանիքի փայտյա կառուցատարրերն ու ազբոշի¬ֆեր¬ները` 105 քմ մակերեսով և տանիքում պահեստավորած 200 հակ անասնակերը, Գավառ-Մարտունի ավտոճանապար¬հի 19-րդ կմ-ին հարակից տարածքում այրվել է 3000 քմ մակերեսով խոտածածկ տարածք, Հրազդան քաղաքի «Ջրառատ» թաղամասում` Ա. Մկրտչյանին պատկանող տան բակում, այրվել է 1,5 տ պահեստավորած անասնակեր:
Բոլոր հրդեհները ժամանակին մեկուսացվել և մարվել են հրշեջ-փրկարարների կողմից: