Մոսկվայի «Մանեժնայա» հրապարակում ձերբակալվել է մոտ հարյուր մարդ: Մայրաքաղաքի ոստիկանությունը կանխել է ազգայնականների չարտոնված միտինգը, որը պետք է տեղի ունենար Կրեմլից ոչ հեռու գտնվող «Մանեժնայա» հրապարակում:
«Մոտ հարյուր մարդ է ձերբակալվել և բերման ենթարկվել ոստիկանության բաժիններ՝ հարցաքննություն անցկացնելու համար»,- հայտնել են ՌԴ ներքին գործերի նախարարության մամլո ծառայաթյունից: Ձերբակալվածների մոտ եղել են տարբեր տեսակի սառը զենքեր, ինչպես նաև՝ գազով լիցքավորված ատրճանակներ:
Հիշեցնենք, որ սա առաջին բողոքի ակցիան չէ, որ նախընտրական շրջանից առաջ տեղի է ունենում Ռուսաստանում:
