ՀԱԿ արտաքին հարաբերությունների պատասխանատու Վլադիմիր Կարապետյանը, անդրադառնալով «ժառանգություն» խմբակցության կողմից ԱԺ-ում ներկայացրած՝ Լեռնային Ղարաբաղի անկախության ճանաչման նախագծին, կարծիք հայտնեց, որ դա որևէ արդյունք չի տալու: Նրա գնահատմամբ, որևէ երկիր չի կարող արտաքին ասպարեզում հաջողություն ունենալ, եթե խնդիրներ ունի հենց երկրի ներսում: «Մենք կշարունակենք պոստֆակտում ծանոթանալ Հայաստանի համար վտանգավոր այնպիսի փաստաթղթերի, ինչպիսին կասպիականն է: Պոստֆակտում կիմանանք, որ Հայաստանը համաձայնել է ԼՂՀ-ում փաստահավաք առաքելության իրականացմանը, և դրա պատճառն այն է, որ Հայաստանում կան քաղբանտարկյալներ, որ նորմալ ընտրություններ չենք անցկացրել երկրում»: Կարապետյանի խոսքերով, ԱԺ «Ժառանգության» ներկայացրած՝ ԼՂՀ անկախության ճանաչման նախագիծը Հայաստանի համար մեկ մարտահրավերը չէ այսօր:
