Gazzetta dello Sport իտալական թերթը պարզել է, որ այս տարվա «Ոսկե գնդակ» մրցանակի դափնեկիր է դարձել Իսպանիայի և իսպանական «Բարսելոնա» ակումբի ֆուտբոլիստ Անդրեաս Ինյեստան: «Ոսկե գնդակը», որը նախկինում տրվում էր ֆրանսիական France Football-ի կողմից Եվրոպայի լավագույն ֆուտբոլիստին, այժմ միավորվել է աշխարհի լավագույն ֆուտբոլիստի «Ադամանդե գնդակ» մրցանակի հետ, և հիմա տրվում է աշխարհում վերջին տարվա ընթացքում առավել հաջողությունների հասած ֆուտբոլիստին: Քվեարկությանը մասնակցում են ազգային հավաքականի գլխավոր մարզիչներն ու ավագները, ինչպես նաև «Ոսկե գնդակի» համար նախկինում քվեարկող լրագրողները:
«Ոսկե գնդակ» մրցանակին հավակնել են նաև Չավին և Լիոնել Մեսին, որոնք, ըստ թերթի, զբաղեցրել են համապատասխանաբար երկրորդ և երրորդ հորիզոնականները:
Ինյեստան «Բարսելոնի» հետ դարձել էր Իսպանիայի չեմպիոն, սուպերգավաթակիր, Ազգային հավաքականի կազմում էլ Աշխարհի առաջնությունում նվաճել էր ոսկի մեդալ:
Շատ սպասումներ կային՝ կապված հոլանդացի կիսապաշտպան Ուեսլի Սնեյդերի հետ, որը իտալական «Ինտերի» հետ հաղթել էր Իտալիայի առաջնությունում, գավաթում և սուպերգավաթում, ՈՒԵՖԱ-ի Չեմպիոնների լիգայում և արժաթե մեդալներ էր նվաճել Հոլանդիայի ազգային հավաքականի կազմում Աշխարհի առաջնության այս տարվա խաղարկության ժամանակ, սակայն նա նույնիսկ եռյակում չի հայտնվել:
ՖԻՖԱ-ն այսօր է պաշտոնապես հայտարարելու երեք հավակնորդների անունները, իսկ հունվարի 10-ին` նաև լավագույնի անունը: