Լեհաստան պաշտոնական այցից առաջ Ռուսաստանի Դաշնության նախագահ Դմիտրի Մեդվեդևը հայտարարել է. «…եթե իրավիճակը երկրում լինի կայուն և նորմալ, եթե ես ունենամ բնակչության համապատասխան աջակցությունը, դա (առաջադրվելը.- «Առաջին լրատվական») «չեմ բացառում»: Մեդվեդևը Լեհաստանում կհանդիպի այդ երկրի նախագահ Բրոնիսլավ Կոմորովսկուն և վարչապետ Դոնալդ Տուսկին:
Միաժամանակ Մեդվեդևը նշել է, որ այս պահին դեռ վաղ է դրա մասին խոսելը. «Նույնիսկ սնահավատ որոշ նկատառումներով, էլ չեմ ասում՝ քաղաքական փորձից ելնելով` երբեմն ասում են, որ նախօրոք պետք չէ հայտարարել դրա մասին: Այդ քայլերն արվում են այն ժամանակ, երբ անհրաժեշտ է»,- ասել է Մեդվեդևը: Իմ գործընկերներից էլի մարդիկ կան, որ կարող են մասնակցել: «Ամենակարևորը իշխանության ժառանգականությունն ապահովելն է: Սակայն ես՝ որպես քաղաքական գործիչ, այդպիսի աշխատանքն ինձ համար չեմ բացառում»,- ավելացրել է Մեդվեդևը:
Նա խոսել է նաև ռուս-լեհական հարաբերությունների մասին` նշելով, որ դրանք վերջին շրջանում աննախադեպ զարգացում են ապրում: